Michel: Çdo embargo ndaj arit nuk duhet të ketë ndikim në Evropë

Presidenti i Këshillit Evropian Charles Michel, ka theksuar se çdo embargo ndaj arit nuk duhet të ketë ndikim në Evropë.

“Ne duam të sigurohemi që ajo që vendosim të ketë ndikim negativ mbi Rusinë dhe jo mbi ne”, ka thënë ai.

Referuar deklaratës së presidentit amerikan, Joe Biden, presidenti i KE-së duket se është distancuar nga qëndrimi i Bidenit, duke theksuar se vendet duhet të sigurohen që të mos ketë ndikime negative për Evropën.

Në të njëjtën kohë ai shprehu edhe rezerva për vendosjen e një tavani për naftën në vendet prodhuese të diskutuara mes G7.

“Duhet të jemi të kujdesshëm. Ne jemi gati të hyjmë në detaje dhe të marrim një vendim së bashku me partnerët tanë, por duam të sigurohemi që ajo që vendosim do të ketë një ndikim negativ mbi Rusinë dhe jo për ne ”, tha ai. /abcnews