Shpërthim në një fabrikë në Washington: Humb jetën një person, 9 të plagosur e disa të zhdukur

Një shpërthim i një rezervuari kimikatesh në një fabrikë paketimi në Uashington vrau të paktën një person dhe la të paktën nëntë të tjerë me lëndime, përfshirë djegie kimike.

Departamenti i zjarrfikësve të Longview konfirmoi një viktimë në Nippon Dynawave Packaging. Gjithashtu konfirmoi se tetë punonjës u plagosën dhe një zjarrfikës. Zyrtarët thanë se nëntë persona, të cilët janë punonjës të uzinës, mbeten të zhdukur.

Sipas departamentit të zjarrfikësve, incidenti kimik ndodhi kur një rezervuar që përmbante lëng të bardhë, një tretësirë ëkimike që përdoret në industrinë e letrës.

“Vendi i ngjarjes mbetet në fazën e rikuperimit, ndërsa ekipet e ndihmës së shpejtë vazhdojnë operacionet. Nuk do të publikohen informacione identifikuese në lidhje me individët e plagosur ose të vdekur në këtë kohë, në pritje të njoftimit të anëtarëve të familjes”, thanë autoritetet.

Michael Gorsuch, shefi i departamentit të zjarrfikësve të Longview, tha se disa lëndimet ishin kritike dhe shumica ishin kërcënuese për jetën.

“Nuk ka asnjë kërcënim të menjëhershëm për publikun”, tha departamenti i zjarrfikësve, por njerëzit duhet ta shmangin zonën.

Pas shpërthimit të rezervuarit, lëngu i bardhë u derdh në një kanal kullues, tha Brittny Goodsell, një zëdhënëse e departamentit të ekologjisë shtetërore. Departamenti dërgoi një ekip për të vlerësuar ndikimet teksa zyrtarët thanë se nuk kishte kërcënim të drejtpërdrejtë për komunitetin përreth.