Mbi 1 mijë palestinezë të vrarë në Gaza që nga armëpushimi i tetorit 

Më shumë se 1,000 palestinezë janë vrarë nga zjarri izraelit në Rripin e Gazës që nga armëpushimi i ndërmjetësuar nga Shtetet e Bashkuara në tetor të vitit të kaluar, ka bërë të ditur Ministria e Shëndetësisë në Gaza.

Sipas autoriteteve shëndetësore, të paktën tre persona u vranë të enjten në sulmin më të fundit, shkruan Reuters.

Mjekët raportuan se një sulm izraelit goditi një automjet në rrugën kryesore Omar Al-Mokhtar në Qytetin e Gazës, duke lënë të vdekur tre persona.

Dhuna vazhdon pavarësisht përpjekjeve të reja të ndërmjetësuesve për arritjen e një armëpushimi të qëndrueshëm.