Trump: Armëpushimi me Iranin ka marrë fund, nuk dua të merrem më me ta

Donald Trump ka deklaruar se armëpushimi mes Shteteve të Bashkuara dhe Iranit ka përfunduar, pas sulmeve ajrore të ushtrisë amerikane ndaj objektivave iraniane gjatë natës.

I pyetur nga gazetarët në Ankara nëse armëpushimi është ende në fuqi, Trumpi u përgjigj:

"Është një pyetje shumë interesante. Për mua, mendoj se ka marrë fund. Nuk dua të merrem më me ta".

Ai shtoi se, sipas tij, negociatat nuk kanë më kuptim.

"Sa më përket mua, gjithçka ka përfunduar. Do të flas me negociatorët tanë, ata duan të negociojnë. Por, për mua, është thjesht humbje kohe të merresh me ta".

SHBA-ja dhe Irani kishin nënshkruar një memorandum mirëkuptimi më 17 qershor, i cili parashikonte ndërprerjen e luftimeve dhe një periudhë 60-ditore negociatash për arritjen e një marrëveshjeje të përhershme paqeje.

Megjithatë, ushtria amerikane njoftoi se gjatë natës kreu "një seri sulmesh të fuqishme" ndaj Iranit, duke i cilësuar ato si përgjigje ndaj sulmeve ndaj anijeve tregtare në ngushticën e Ngushtica e Hormuzit. /Zëri