Turqia goditet nga një tërmet i fuqishëm

Një tërmet me magnitudë 5.0 goditi provincën lindore të Turqisë, Malatya, në orët e para të së shtunës, sipas Autoritetit për Menaxhimin e Katastrofave dhe Emergjencave (AFAD).

Tërmeti ndodhi në orën 06:20 me orën lokale (03:20 GMT), me epiqendër në distriktin Battalgazi dhe në një thellësi prej 15,59 kilometrash (9,69 miljesh), njoftoi AFAD.

Lëkundjet u ndjenë edhe në provincat fqinje: Elazig, Adiyaman, Tunceli dhe Sanliurfa. AFAD bëri të ditur se nuk pati raportime të menjëhershme për dëme apo viktima pas tërmetit.

Murat Kurum, ministri i Mjedisit, Urbanizimit dhe Ndryshimeve Klimatike, gjithashtu deklaroi në platformën turke të rrjeteve sociale “NSosyal”: “Pas tërmetit në Battalgazi, deri më tani nuk janë konstatuar probleme, por ne po i vlerësojmë të gjitha raportimet”.