Infektuar: 35549
Shëruar: 21746
Vdekur: 939
Ministria e Bujqësisë fillon pagesën e dyfishtë të subvencioneve

Ministria e Bujqësisë fillon pagesën e dyfishtë të subvencioneve

Ekonomia October 27, 2020 - 15:19

Ministria e Bujqësisë, Pylltarisë dhe Zhvillimit Rural tanimë ka filluar me realizimin e pagesave direkte ose subvencioneve.

Këtë e bëri të ditur ministri i MBPZHR-së, Besian Mustafa, i cili tha se pagesa e subvencioneve sivjet do të bëhet dy herë në krahasim me vitin 2019.

Sipas ministrit Mustafa, për të gjitha kulturat dhe për të gjitha masat pagesa do të bëhet dy herë.

Tutje, ministri Mustafa sqaroi se fillimisht do të paguhet pjesa e parë sipas programit të rregullt, kurse pasi të jenë paguar subvencionet për të gjithë fermerët do të fillojë të bëhet edhe pagesa e dytë.

Ministri Mustafa tha se përkrahja ndaj fermerëve ka për qëllim kthimin e vitit 2020 nga një vit plot sfida për bujqësinë në një vit të fuqishëm.

Vendimi për dyfishimin e subvencioneve për të gjitha kulturat u soll si pjesë e Pakos për Rimëkëmbje Ekonomike. Ky vendim ishte kundërpërgjigje e Ministrisë së Bujqësisë, Pylltarisë dhe Zhvillimit Rural për t’u dalë në ndihmë fermerëve të Republikës së Kosovës për ta përballuar goditjen që shkaktoi pandemia COVID-19. /Zëri