Një gol dhe disa raste të humbura kundër Malit të Zi, Vedat Muriqi merr një lajm katastrofal

Një gol dhe disa raste të humbura kundër Malit të Zi, Vedat Muriqi merr një lajm katastrofal

Sport tetor 17, 2019 - 09:32
Detajet

Tottenhami raportohet se i ka dërguar skoutët për ta përcjellur sulmuesin e Fenerbahçes Vedat Muriqi në ndeshjen mes Kosovës dhe Malit të Zi, por që ata duket se nuk janë impresionuar me atë që kanë parë.

Mauricio Pochettino, trajneri i Tottenhamit ka mbetur vetëm me një sulmues pas largimit të Fernando Llorentes këtë verë, shkruan Zëri.info.

Si rezultat i kësaj, nuk është befasi që klubi londinez ka qenë i lidhur me një sulmues të ri dhe Muriqi është top-synimi i Tottenhamit, derisa për të interesohet edhe Manchester Unitedi.

25-vjeçari e ka nisur mirë aventurën ndërkombëtare duke shënuar pesë gola në 20 paraqitje për Kosovën, dhe ai vazhdon të shënojë edhe në Superligën turke.

Image

Tre golat e tij në shtatë ndeshjet e para me Fenerbahçen kanë zgjuar interesim te klubet e mëdha evropiane.

Muriqi në ndeshjen ndaj Malit të Zi shënoi një gol në pjesën e parë, por humbi disa raste të sigurta përballë portierit Daniel Petkovic në pjesën e dytë.

Si rezultat i kësaj, “FootballFanCast” raporton se Tottenhami nuk ka mbetur i kënaqur me rastet e humbura të Muriqit dhe se interesimi i londinezëve mund të jetë zbehur./Zëri.info