Milot Rashica reklamon këpucët e tij ‘Nike’, nuk i harron flamujt e Shqipërisë dhe Kosovës
Milot Rashica është në formë mbresëlënëse këtë edicion me Werder Bremenin në Bundesliga, derisa pjesën e dytë të këtij edicioni e ka nisur për mrekulli.
Në fitoren kundër Dusseldorfit, Rashica asistoi te goli i vetëm i shënuar në fitoren 1:0 të Werder Bremenit në fundjavë, shkruan Zëri.info.
Me formën e tij të mirë, futbollisti vushtrrias po e përfaqëson në mënyrën më të mirë të mundshme vendlindjen e tij, Kosovën.
Madje, edhe në këpucët e tij, Rashica ka vendosur flamujt e Kosovës dhe Shqipërisë, së bashku me inicialet e tij.
— Magazina Sportive (@KosovoMagazine) January 21, 2020
Në një video të publikuar në rrjetin social “Instagram”, Rashica i fokuson të dy flamujt në këpucët e tij ‘Nike’.
Rashica pritet t’i mbajë këto këpucë edhe në ndeshjen e së dielës ndaj Hoffenheim, ku Werder Bremeni synon fitoren e radhës.
23-vjeçari ka qenë në formë të mirë këtë edicion, duke arritur të kontribuojë me shtatë gola dhe tre asiste në 14 ndeshjet e tij në Bundesliga, si dhe me dy gola në dy ndeshjet e Kupës së Gjermanisë.
Paraqitjet e Rashicës me Werder Bremenin kanë bërë që klubet evropiane si Dortmundi, Aston Villa të interesohen për shërbimet e tij./Zëri.info
