Skuadra kosovare lë para kohe Shqipërinë nga frika prej tërmeteve: Trajneri rrëfen panikun e krijuar!
Drenica ka përfunduar para kohe fazën përgatitore që ishte duke e mbajtur në Durrës të Shqipërisë.
Shkak ishte tërmeti që goditi edhe dje shtetin shqiptar.
Trajneri Gani Sejdiu ka rrëfyer për gazetën panikën e krijuar në kampin kuqezi.
“Sot në mëngjes kemi mbërri në Kosovë. Nuk kishte disponim që të qëndrojmë më shumë atje, sepse u krijua një panik, e që ishte normal”, deklaroi Sejdiu për Gazetën Olle.
Kësisoj, kohën e mbetur para fillimit të edicionit të ri, Drenica do ta shfrytëzojë për t’u përgatitur në vend.
Të hënën Drenica luajti një ndeshje miqësore ndaj Arbërisë, që garon në Ligën e Parë.
Skenderajasit fituan me rezultat të thellë, 4:1.
Golat u realizuan nga Hamiti, Elshani, Muleci dhe Fazliu.
Përpos garave të elitës së futbollit kosovar, Drenica është në garë edhe për Kupën e Kosovës.