Rebic në super formë, kjo është shuma që kërkon Eintracht Frankfurti nga Milani
Eintracht Frankfurti raportohet se ka kërkuar 40 milionë euro nga Milani për të nënshkruar me Ante Rebicin, transmeton zeri.info
Sulmuesi u transferua te Milani në formë huazimi për dy vite në shkëmbim me Andre Silvan që shkoi në anën tjetër në ditën e fundit të afatit kalimtar të verës, kështu që nuk pati kohë për të futur klauzola të blerjes.
Pasi që ka shkëlqyer në 2020-n me formacionin e ri të Stefano Piolit, vlera e kroatit është rritur.
Reprezentuesi kroat ka shënuar gjashtë gola në shtatë ndeshjet e fundit në Serie A.
“Tuttosport” shkruan se klubi gjerman kërkon 40 milionë euro për 26-vjeçarin.
Fiorentina do të përfitonte nga kjo marrëveshje pasi pas shitjes te Eintracht Frankfurti ka përfshirë një klauzolë prej së cilës do të arkëtonte 30-50% të shitjes së ardhshme Rebicit./Zëri