Lazio mposhtet nga Galatasaray shkaku i gabimit të Strakoshës
Sport
September 16, 2021 - 20:42
Lajmet e fundit nga sporti
Lazio ka pësuar humbje në ndeshjen e parë për këtë sezon në Ligën e Evropës, shkruan Zeri.info.
Skuadra e drejtuar nga Maurizio Sarri pësoi humbje në udhëtim te Galatasaray, në ndeshjen e raundit të parë në Grupin E.
Ndeshja e zhvilluar sonte në stadiumin “Turk Telekom” ka përfunduar me rezultatin 1-0.
Portieri shqiptar, Thomas Strakosha, ishte ai që bëri një gabim të tmerrshëm dhe me një autogol ia dhuroi fitoren skuadrës turke në minutën e 67-të.
Te Lazio titullar sonte ishte edhe Elseid Hysaj, teksa Vedat Muriqi hyri si zëvendësues në minutën e 56-të.
Galatasaray është lider në grup me tre pikë, teksa Lazio është e fundit (e katërta) me zero pikë. /Zeri.info