Antony zbulon bashkëlojtarin te Man Utd që e ka më shumë se një mik

Antony thotë se Diogo Dalot është më shumë se një mik për të pasi e ndihmoi të kalonte një periudhë makthi në Manchester United.

Antony shënoi vetëm golin e tij të dytë këtë sezon kundër Liverpoolit në fitoren mahnitëse të Manchester Unitedit në çerekfinalen e FA Cup dhe është përballur me kritika të ashpra në muajt e fundit si për paraqitjet e tij në fushë ashtu edhe për sjelljen e tij jashtë saj.

Reprezentuesi brazilian është nën hetim si në vendin e tij ashtu edhe në Angli pasi u akuzua për sulm nga ish e dashura e tij Gabriela Cavallin. Ai i ka mohuar akuzat.

Duke iu referuar vështirësive të tij, Antony ka përshëndetur shokun e tij të skuadrës Dalotin, me të cilin ka krijuar një lidhje të ngushtë. Reprezentuesi portugez, thotë ai, ka qenë një shtyllë mbështetjeje teksa punon me çështjet e tij personale dhe formën e tij të dobët.

Duke folur për faqen zyrtare të Unitedit, ai tha: “I jam shumë mirënjohës Zotit dhe një miku me të cilin flas shumë”.

“Diogo Dalot është më shumë se një mik për mua, ai është një djalë që më ndihmon çdo ditë në klub. Kemi një frazë që ia themi gjithmonë njëri-tjetrit: djali i durueshëm është i pamposhtur”.

“Ne gjithmonë flasim për këtë. Kështu që unë i jam shumë mirënjohës për këshillat e tij, për momentet që kemi pasur bashkë duke folur. Ai është një djalë që më ka ndihmuar shumë”. /Zëri