Bashkimi mposht Borën në një sfidë dramatike

Bashkimi ka shënuar fitore të rëndësishme ndaj Borës me rezultat 73-70, në ndeshjen e parë të gjysmëfinaleve të Superliga e Kosovës në basketboll.

Sfida e zhvilluar në Prizren u karakterizua nga rivalitet i lartë gjatë gjithë kohës. Çereku i parë ishte i baraspeshuar, ndërsa vendasit arritën të krijojnë një epërsi të lehtë në pjesën e dytë. Në çerekun e tretë, Bora reagoi fuqishëm duke rikthyer baraspeshën dhe duke e çuar sfidën në një përfundim dramatik.

Në momentet vendimtare, Bashkimi tregoi më shumë qetësi dhe efikasitet në organizimin e lojës, duke ruajtur avantazhin minimal deri në sinjalin përfundimtar.

Më i dalluari në radhët e Bashkimit ishte S. Shorter me 28 pikë, ndërsa kontribut të rëndësishëm dhanë edhe D. Lake me 11 pikë dhe 8 kërcime.

Në anën tjetër, për Borën u veçuan T. Cheese me 17 pikë dhe J. Dingle me 16 pikë, por paraqitja e tyre nuk mjaftoi për të shmangur humbjen.

Me këtë fitore, Bashkimi kalon në epërsi 1-0 në seri, ndërsa ndeshja e dytë pritet të sjellë sërish përballje të fortë, me Borën që synon barazimin dhe prizrenasit që kërkojnë një hap tjetër drejt finales.