Agim Bahtiri thyen heshtjen zgjedhore

Kandidati i Lëvizjes Vetëvendosje për kryetar të Komunës së Mitrovicës, Agim Bahtiri, nuk ka respektuar heshtjen zgjedhore në ditën e zgjedhjeve lokale, që po mbahen në Kosovë.

Pasi ka shfrytëzuar të drejtën e tij për të votuar, Bahtiri nuk ka pasur kujdes në deklaratat e tij para mediave, duke thyer kështu heshtjen zgjedhore, shkruan Lajmi.net.

Kujtojmë se heshtja zgjedhore është obligim ndaj kandidatëve për kryetarë komunash dhe kandidatëve për Kuvend Komunal.