Ja sa vota mori kandidati i AAK-së në Malishevë, i cili thoshte se në kohë të lirë lexon lektyra
Zgjedhjet Lokale 2021
October 18, 2021 - 08:03
Kandidati i Aleancës për Ardhmërinë e Kosovës për kryetar të Malishevës, Kastriot Berisha, ka marrë 4,30 për qind të votave.
Kështu bëjnë të ditur të dhënat e Komisionit Qendror të Zgjedhjeve.
Berisha ishte bërë i njohur gjatë fushatës me një deklaratë në televizionin Klan Kosova.
Ai ka thënë se në kohë të lirë lexon lektyra.
I pari në Malishevë ka dalë kandidati i Nismës Socialdemokrate, Ekrem Kastrati, me 7 mijë e 316 vota, ose 34.30 për qind.
Ai do të përballet në balotazh me kandidatin e Partisë Demokratike të Kosovës, Isni Kilajn, i cili ka dalë i dyti me 6 mijë e 200 vota, ose 29.07 për qind.
