Khabibi kërkon të përballet me dikë më të fortë se McGregor
Sport
October 14, 2018 - 15:53
Khabib Nurmagomedov, dëshiron të përballet me dikë më të fortë se Conor McGregor, dhe ka shprehur dëshirën për një meç me boksierin amerikan, Floyd Mayweather.
Khabibi e mposhti McGregorin në meçin e kaluar në raundin e katërt, ku pastaj ndodhi edhe incidenti, pasi rusi u përlesh me stafin e iralndezit, McGregor.
Mayweather e mposhti McGregorin në vitin e kaluar.
“Hajde Floyd, duhet të luftojmë tani”, ka thënë Nurmagomedov, në një video në Instagram.
“50-0 v 27-0, dy që s’kanë humbur kurrë, pse jo? Sepse në xhungël është vetëm një mbret”.
Nurmagomedov dhe McGregori janë suspenduar përkohësisht nga UFC-ja për shkak të skenave që u shfaqën pas meçit në Las Vegas.