Ndalimi i udhëtarëve nga Serbia, Bislimi e informoi Lajçakun

Besnik Bislimi, zëvendëskryeministër i Kosovës, ka reaguar në lidhje me ndalimin e qytetarëve të Kosovës nga ana e Serbisë.

Sipas Bislimit, suksesi i Kosovës në Këshill të Evropës ka nxitur akte të drejtpërdrejta kundrejt qytetarëve kosovarë.

Ai ka treguar se e ka njoftuar BE-në për këtë çështje.

“Mbi këtë situatë, kam informuar edhe Lajçakun. Kjo është përgjigjja e Serbisë dhe hipokrizia e tyre ndaj të drejtave të njeriut, të cilat vijnë nga një vend që është aktualisht anëtar i Këshillit të Evropës. Ky akt dëshmon përsëri uljen e tyre në demokraci dhe politikat e tyre të vazhdueshme të agresionit”, shkroi ai.