Kurti në Samitin BE – Ballkan Perëndimor: Presim njohje reciproke nga të gjitha vendet e rajonit

Kryeministri i vendit, Albin Kurti, po merr pjesë në Samitin BE - Ballkan Perëndimor, që po mbahet në Kotor të Malit të Zi.

Në këtë samit do të diskutohet për planin e zgjerimit të vendeve të BE-së, ne të cilin do të marrin pjesë liderët e rajonit, përfaqësues nga BE-ja dhe nga SHBA-ja.

Kurti tha se takimi i tretë i Planit të Zgjerimit të BE-së është një mundësi e madhe për të gjitha vendet e Ballkanit Perëndimor për t’u bërë bashkë dhe për të diskutuar mundësitë e integrimit tutje.

“Shënojmë 10-vjetorin e Procesit të Berlinit dhe presim të kemi bashkëpunim më të mirë dhe presim gjithashtu njohje de fakto dhe de jure nga të gjitha vendet e Ballkanit Perëndimor”, tha Kurti, njofton Klankosova.tv.

Kreu i Qeverisë më tej e përmendi edhe faktin që Bosnjë dhe Hercegovina s’e ka miratuar marrëveshjen për lirinë e lëvizjes vetëm me letërnjoftime, gjë për të cilën tha se nuk është i kënaqur.