Sami Lushtaku lirohet me procedurë të rregullt

Kryetari i komunës së Skenderajt, Sami Lushtaku, është liruar me procedurë të rregullt pas intervistimit që zgjati më pak se një orë.

Lushtaku u intervistua pas dyshimeve për përfshirje në rrahjen fizike të kryetarit të degës së Lëvizjes Vetëvendosje në Skenderaj, Hysni Mehani, që ndodhi të enjten në një kafiteri në qendër të Skenderajtm njofton Dukagjini.

Kujtojmë se një numër i madh i qytetarëve janë duke qëndruar pranë stacionit policor në Skenderaj në mbështetje të Lushtakut.