Gruda LVV-së: Ligjit nuk keni ku t’i ikni, ai do të miratohet

Deputeti i PDK-së, Përparim Gruda, përmes një postimi në rrjetin social Facebook ka kritikuar LVV-në lidhur me protestën e mbrëmshme në Prishtinë, duke akuzuar Policinë për përdorim të dhunës ndaj protestuesve.

Gruda është shprehur i bindur se ndryshimet në Ligjin për Specialen do të kalojnë në Kuvend të martën.

Postimi i plotë:

Mbrëmë pamë fytyrën e vërtetë të pushtetit të LVV-së: dhunë brutale policore në sheshin e Prishtinës ndaj qytetarëve që dolën për të kërkuar miratimin e një ligji për mbrojtjen e UÇK-së.

Cili popull i lirë evropian do ta duronte këtë?

Shteti ikën nga përgjegjësia për ta mbështetur dhe mbrojtur UÇK-në në gjyq, ndërsa policia ushtron dhunë ndaj qytetarëve që protestojnë për miratimin e ligjit.

Por ligjit nuk keni ku t’i ikni. S’keni rrugë tjetër, ai do të miratohet!