Sulmet ndaj stafit mjekësor s’raportohen tek ODA, s’ka statistika të sakta
Pakënaqësinë për shërbimin që mori e shprehi me anë të dhunës fizike.
Siç merr vesh televizioni, një pacient sulmoi fizikisht mjekun kujdestar të Emergjencës në Spitalin e Vushtrrisë meqë i njëjti e udhëzoi që trajtimin mjekësor ta marr në institucion tjetër shëndetësor.
Për të policia e ka iniciuar rastin si “Sulm ndaj personit zyrtar”.
Por kritika për mënyrën e raportimit të rasteve kanë nga Oda e Mjekëve të Kosovës.
“Mjeku, punëtori shëndetësor është person zyrtar gjatë kryerjes së punës, gjatë orarit të punës dhe të trajtohet si sulm ndaj zyrtarit shtetëror siç e parasheh edhe kodi penal por diçka e tillë nuk po ndodh prandaj është shndëdrru në fenomen dhe fenomeni është shumë më vështirë të luftohet se rastet sporadike”, ka thënë Pleurat Sejdiu, kryetar i Odës së Mjekëve.
Sejdiu barrën për mënyrën se si po funksionon sistemi e lë tek menaxherët.
‘Punëtorët shëndetsor, menaxherët janë të detyruar ta lajmërojnë odën, por kjo nuk po ec, pse nuk e di. Prandaj nuk kemi statistika të sakta, mandje mundet me qenë marre që po e them por ne lajmet po i marrim nga media sepse rastet nuk po lajmërohen dhe kjo është shumë e keqe”, ka thënë Pleurat Sejdiu, kryetar i Odës së Mjekëve.
Ky s’është rasti i vetëm i dhunës, një tjetër ndodhi edhe në Qendrën e Mjekësisë Familjare në lagjen Kalabria ku një pacient sulmoi fizikisht një infermiere në fund të muajit shtator.
Njësoj ndodhi edhe në Qendrën e Mjekësisë Familjare në Viti.
Ndërkohë në një përgjigje për televizionin nga Policia e Kosovës bën të ditur se gjatë këtij viti u raportuan 113 raste të “Sulm ndaj personit zyrtar” por që nuk janë të përfshirë vetëm personeli mjekësor.
