Konjufca shpreh ngushëllime për viktimat e aksidentit hekurudhor në Egjipt

Zëvendëskryeministri i parë dhe ministri i Punëve të Jashtme dhe Diasporës, Glauk Konjufca, ka shprehur ngushëllime për viktimat e aksidentit tragjik hekurudhor në Giza të Egjiptit.

Në një reagim në rrjetin social X, Konjufca i ka shprehur ngushëllime ministrit të Jashtëm egjiptian, Badr Abdelatty, dhe popullit të Egjiptit.

Ai ka thënë se mendimet e tij janë me familjet që kanë humbur të dashurit e tyre, ndërsa të lënduarve u ka uruar shërim të shpejtë.

"|Populli i Kosovës qëndron pranë Egjiptit", ka shkruar Konjufca.