Tërmet 5.2 ballësh në Kinë, dy të vdekur e mijëra të evakuuar
Bota
May 18, 2026 - 08:19
Një tërmet me magnitudë 5.2 ka goditur jugperëndimin e Kinës, në rajonin Guangxi, në orët e para të së hënës, duke shkaktuar viktima dhe dëme materiale.
Sipas autoriteteve, dy persona kanë humbur jetën, ndërsa një tjetër rezulton ende i zhdukur.
Katër persona janë dërguar në spital, por asnjëri prej tyre nuk ndodhet në rrezik për jetën, shkruan Reuters, transmeton Klankosova.tv
Mbi 7,000 banorë në qytetin Liuzhou janë evakuuar, ndërsa ekipet e kërkim-shpëtimit po vazhdojnë punën në terren.
Gjithashtu, raportohet se 13 ndërtesa janë shembur gjatë orëve të para të mëngjesit.
