Të paktën 14 foshnja të porsalindura humbën jetën nga zjarri në një spital në Pakistan
Të paktën 14 foshnja të porsalindura kanë humbur jetën si pasojë e një zjarri që përfshiu repartin e maternitetit në Institutin e Shkencave Mjekësore të Pakistanit (PIMS), në kryeqytetin Islamabad.
Zjarri shpërtheu të mërkurën në mëngjes, në katin e tretë të repartit për nënat dhe fëmijët. Sipas autoriteteve, në repart ndodheshin 15 foshnja në momentin e zjarrit, ndërsa vetëm një prej tyre arriti të shpëtohej, transmeton Zeri.info.
Shkaku paraprak i zjarrit dyshohet të ketë qenë një defekt në sistemin e kondicionimit të ajrit, i cili shkaktoi një shpërthim. Ministri i Shëndetësisë, Mustafa Kamal, tha se shumë prej foshnjave ishin në inkubatorë ose nën mbështetje me oksigjen, gjë që mund të ketë ndihmuar në përhapjen e shpejtë të zjarrit.
This video of dead babies being pulled from the NICU after rescuers had to break through a wall is absolutely heartbreaking. No proper fire escape or adequate emergency equipment at Pakistan’s biggest public hospitals, in the nation’s capital pic.twitter.com/fxYzuT3UsR
— Dr Ahmad Rehan Khan (@AhmadRehanKhan) August 26, 2026
Pamjet nga vendi i ngjarjes treguan prindër të dëshpëruar jashtë spitalit, ndërsa disa prej tyre u detyruan të prisnin lajme për fëmijët e tyre. Në operacionin e shpëtimit u përdorën edhe shkallë për të nxjerrë njerëzit përmes dritareve të repartit.
Kryeministri i Pakistanit, Shehbaz Sharif, ka urdhëruar hetim të plotë për shkaqet e tragjedisë dhe për mënyrën e reagimit ndaj zjarrit.
Raportimet e para kanë ngritur gjithashtu pikëpyetje mbi masat e sigurisë nga zjarri dhe kushtet e emergjencës në spital. Hetimi pritet të përcaktojë nëse ka pasur neglizhencë ose shkelje të rregullave të sigurisë. /Zëri
