![Me rregulla të futbollit goli i tretë i Argjentinës duhej të anulohej, VAR-i s’e vuri re](/uploads/zeri.info/images/2022/December/19/auto_E4ACDC4C-1A41-479D-8399-16AF974954F71671448640.png)
Me rregulla të futbollit goli i tretë i Argjentinës duhej të anulohej, VAR-i s’e vuri re
Tifozët e futbollit pretendojnë se goli i tretë i Argjentinës kundër Francës nuk duhej të qëndronte – dhe për këtë arsye Les Bleus duhet të jetë kampion për herë të tretë.
Lionel Messi shënoi golin e dytë personal për rezultatin 3-2 në minutën e 108-të të finales në stadiumin Lusail, duke e vendosur topin në rrjetë pas goditjes së Lautaro Martinezit të rikthyer nga Hugo Lloris.
![Image](https://zeri.info/uploads/zeri.info/images/2022/December/19/auto_B21CB04E-7879-4567-A347-EE4C42E6FBB31671448644.png)
Kishte dyshime për pozicion jashtë loje, por përsëritjet treguan se Martinez ishte vetëm në linjë me mbrojtësin e fundit Jules Kounde që tentoi ta largonte topin nga porta, por tashmë kishte kaluar vijën e saj.
![Image](https://zeri.info/uploads/zeri.info/images/2022/December/19/auto_8EAAAA67-51D1-4141-AC8C-52B9DE9CDF141671448647.jpeg)
Megjithatë, polemika nuk ishte aty. Tifozët kanë vënë re se disa nga lojtarët e Argjentinës ishin tashmë në fushë përpara se topi të kalonte vijën dhe besojnë se duhet të ishte hequr goli si rezultat.
Shumë u tronditën që VAR nuk e shikoi më nga afër shkeljen.
Njëri tha: “Argjentina futet në fushë kur goli ishte shënuar, si e humbi #VAR-i këtë”.
Një i dyti komentoi: “Sapo i hodha një sy golit të tretë të Argjentinës, 3 futbollistë ishin në fushë para se topi të kalonte vijën. A nuk duhet të anulohet?”.
Një i tretë u shpreh: “Dy futbollistë të Argjentinës në fushë kur topi kaloi vijën – a duhej të ishte pranuar goli?”.
We've found our winner! ë#FIFAWorldCup | #Qatar2022
— FIFA World Cup (@FIFAWorldCup) December 18, 2022
Argentina subs on the pitch before the ball went in, any rule on this #FIFAWorldCup pic.twitter.com/NSCFIgxxhI
— Ian Corcorënë (@IanCorcoran_) December 18, 2022
I katërti potencoi: “Argjentina vërshoi në fushë para se topi të futet, çdo shkelje e rregullave këtu @FIFAWorldCup”.
I pesti shtoi: “Argjentina futet në fushë para se topi të ishte në rrjetë?”.
Ligjet e IFAB thonë se “arbitri duhet të anulojë golin nëse personi shtesë është në fushë: gjyqtari duhet të anulojë golin nëse personi shtesë ishte në fushë: një lojtar, zëvendësues, lojtar i zëvendësuar, lojtar i përjashtuar ose zyrtar i ekipit. Loja rifillon me një goditje dënimi të drejtpërdrejtë nga pozicioni i personit shtesë”.
Më pas shtohet se, “Nëse, pasi shënohet një gol dhe loja ka rifilluar, gjyqtari kupton se një person shtesë ishte në fushën e lojës kur u shënua goli, goli nuk mund të anulohet”.
![Image](https://zeri.info/uploads/zeri.info/images/2022/December/19/auto_02C7715B-5D02-4749-A478-C148C23F7AFD1671448650.jpeg)
Franca barazoi minuta para fundit në kohën shtesë, kur Kylian Mbappe përfundoi një hat-trick në finalen e Kupës së Botës.
Por, kur ndeshja shkoi deri në penallti, dhe Montiel u dëshmua të ishte lojtari vendimtar, duke realizuar penalltinë e fundit, Argjentina dhe Lionel Messi u kurorëzuan kampion bote. /Telegrafi