Vrasja e argjentinases, Endrit Nika del para Gjykatës së Apelit
Kronika
June 22, 2026 - 12:14
Ka nisur seanca në Gjykatën e Apelit ndaj Endrit Nikës, i dënuar me 18 vjet burg për vrasjen e shtetases argjentinase Maria Clara në Fushë-Kosovë, në vitin 2023.
Gjykata e Apelit po shqyrton ankesat e paraqitura nga palët lidhur me aktgjykimin e Gjykatës Themelore në Prishtinë, ndërsa gjatë seancës pritet që mbrojtja dhe Prokuroria e Shtetit të paraqesin argumentet e tyre.
Endrit Nika ishte shpallur fajtor në shkallën e parë dhe ishte dënuar me 18 vjet burgim për këtë rast. Vendimi i Apelit pritet të jetë vendimtar për fatin e mëtejmë të procesit gjyqësor.
