Erërat e forta rrëzuan lisin mbi dy vetura në Brezovicë, policia jep detaje

Reshjet e dendura të shiut dhe breshërit që kanë përfshirë disa zona të Kosovës kanë shkaktuar dëme edhe në Brezovicë.

Si pasojë e erërave të forta dhe motit të paqëndrueshëm, lexuesit e Klankosova.tvkanë dërguar pamje ku shihet se një lis është rrëzuar mbi dy vetura, duke shkaktuar dëme materiale.

Ndërsa zëdhënësi i Policisë së Kosovës për rajonin e Ferizajt, Kanun Veseli, ka konfirmuar për Klankosova.tv se si pasojë e këtij rasti nuk ka persona të lënduar.

Rrëzimi i lisit ka shkaktuar pengesë të përkohshme në këtë pjesë të rrugës, ndërsa autoritetet kanë intervenuar për largimin e tij dhe normalizimin e qarkullimit.