Plagoset një person me armë zjarri në Gjakovë

Të hanën rreth orës 16:10, në rrugën “Dëshmorët e Hereqit” në Gjakovë, është raportuar një rast i plagosjes me armë zjarri.

Këtë për “Zërin” e konfirmoi zëdhënësja e Policisë për Gjakovë, Vlera Krasniqi.

Krasniqi ka thënë se viktima ka pranuar trajtim mjekësor, kurse i dyshuari është arrestuar.

“Të dy personat, viktima dhe i dyshuari, janë meshkuj, shtetas të Republikës së Kosovës dhe të moshës madhore.

Njësitë relevante policore ndodhen në vendngjarje dhe janë duke ndërmarrë veprimet e nevojshme hetimore për trajtimin dhe sqarimin e plotë të rrethanave të rastit”, bëhet e ditur nga Policia. /Zëri