Bogujevci pret tenorin Kastriot Tusha, vlerëson kontributin e tij në muzikën shqiptare

Ministrja në detyrë e Kulturës, Rinisë dhe Sportit, Saranda Bogujevci, ka pritur në takim tenorin e njohur shqiptar, Kastriot Tusha.

Bogujevci e cilësoi Tushën si një prej zërave më të njohur të muzikës shqiptare, duke vlerësuar karrierën dhe sukseset e tij artistike ndër vite.

“Patëm bisedë të këndshme për rrugëtimin e tij artistik, formimin dhe angazhimin shumëvjeçar në skenën muzikore, si dhe për kontributin e tij në promovimin e muzikës shqiptare brenda dhe jashtë vendit”, ka shkruar ajo.

Sipas Bogujevcit, gjatë takimit u diskutua edhe për planet dhe angazhimet aktuale të tenorit shqiptar.

“I urova shëndet të mirë dhe suksese të vazhdueshme në krijimtarinë e tij artistike”, u shpreh ministrja në detyrë.