Kryeministri bullgar pret këngëtaren Dara, pas fitores në Eurovision

Kryeministri i Bullgarisë Rumen Radev, ka mirëpritur sot këngëtaren Dara në Këshillin e Ministrave, me rastin e suksesit të saj në Festivalin e Këngës në Eurovision.

Radev e ka uruar Daran për suksesin e saj në Eurovision, transmeton Zeri.info.

"Energjia juaj, forca e pashtershme dhe, mbi të gjitha, talenti juaj përmbysi gjithçka që i dilte përpara. Fitorja e madhe në Eurovision ju përket juve personalisht dhe ekipit tuaj. Dua t'ju falënderoj në emër të popullit tonë, i cili ka nevojë për triumfe të tilla”, tha Radevi, transmeton Zeri.info.

Kryeministri falënderoi Daran për gëzimin e jashtëzakonshëm dhe ndjenjën e krenarisë kombëtare që u ka sjellë bashkatdhetarëve tanë dhe për emocionet pozitive të miliona njerëzve në mbarë botën.

“Dara, duhet të kesh dëgjuar shumë gjëra për veten në këtë periudhë të shkurtër kohore, të cilat ndoshta as nuk i ke imagjinuar, por dua të shtoj një gjë. Ti je tashmë pjesë e politikës evropiane. Isha në Berlin dhe kancelari Merz më përshëndeti me ‘Banagaranga’, nxori telefonin e tij dhe më tregoi performancën tënde në Eurovision”, tha kryeministri bullgar.

Kryeministri siguroi edhe një herë se do të bëhen përpjekje maksimale për organizimin e Eurovisionit. /Zëri