Meghan rikthehet në aktrim, një rol misterioz në Britani mund të ndryshojë gjithçka

Meghan Markle mund të rikthehet në aktrim pas zhvendosjes në Britani, sipas raportimeve.

Dukesha thuhet se ka marrë një ofertë për një rol në një projekt “top sekret” britanik, dhe ky angazhim mund të ketë ndikuar në vendimin e saj dhe Princ Harry-t për t’u rikthyer në Mbretërinë e Bashkuar.

Detaje për rolin apo projektin nuk janë bërë ende publike. Meghan, e njohur për rolin e Rachel Zane në Suits, e la aktrimin pas martesës me Harry-n në vitin 2018.

Ajo është rikthyer së fundmi në ekran me një rol të shkurtër si vetvetja në komedinë Close Personal Friends, ku luajnë Lily Collins dhe Brie Larson.

Ndërkohë, çifti pritet të zhvendoset nga SHBA-ja në një rezidencë private pranë Londrës, ndërsa fëmijët e tyre, Archie dhe Lilibet, do të nisin shkollën në shtator.