Vedat Muriqi luajti mbi gjysmë ore në barazimin e Lazios, kështu u vlerësua për paraqitjen e tij
Sport
October 28, 2020 - 23:02
Club Brugge dhe Lazio kanë ndarë pikë në përballjen e sontme në kuadër të Ligës së Kampionëve.
Në ndeshjen e vlefshme për grupin F, Lazio nuk ka arritur të marrë asgjë më shumë se një pikë ndaj belgëve duke barazuar 1:1, shkruan “Zeri.info”.
Correa (’14) shënoi për romakët, derisa për vendasit shënoi Vanaken në minutën e 42-të.
Sulmuesi i Lazios, Vedat Muriqi u inkuadrua në lojë në minutën e 56-të sonte.
Nga portali prestigjioz i vlerësimeve, “WhoScored” ai u vlerësua me notën 6.1.
Ndryshe, me këtë barazim, Lazio mbetet në vendin e parë në tabelë me katër pikë, aq sa ka edhe Club Brugge në vendin e dytë. /Zeri.info
