Sot zhvillohen ndeshjet e dyta gjysmëfinale në Ligën e Parë

Sot (e enjte) do të zhvillohen ndeshjet e dyta në “play-off” të Ligës së Parë, ku priten ndeshje interesante.

Skuadra që shënon dy fitore do të kualifikohet në finale, ku po ashtu skuadra që shënon dy fitore do të inkuadrohet në Superligë, derisa finalisti do të luajë me vendin e shtatë të Superligës për një vend në elitë për edicionin e ardhshëm.

Marigona Hill Prishtina do të ndeshet me RC Cola Drita. Në sfidën e parë gjilanasit shënuan fitore 88:82, dhe nëse fitojnë edhe sot do të kualifikohen në finale.

Në gjysmëfinalen tjetër do të ballafaqohen AS Prishtina dhe Istogu. Në takimin e parë istogasit fituan 95:81, ku istogasit shpresojnë të fitojnë dhe të kalojnë në finale, derisa prishtinasit për të barazuar shifrat, në mënyrë që fituesi të vendoset në ndeshjen e tretë. /Zeri.info