Sot, ndeshjet kthyese gjysmëfinale të Kupës së Kosovës
Sport
April 24, 2024 - 09:20
Lajmet e fundit nga Sporti
Sot (e mërkurë) do të zhvillohen ndeshjet kthyese të fazës gjysmëfinale të Kupës së Kosovës.
Ndeshjet ishin në program për t’u zhvilluar javën e kaluar, mirëpo presidentja e vendit, Vjosa Osmani, kishte shpallur ditë zie atë ditë të ndeshjeve.
Sidoqoftë, tani ka ardhur koha dhe ndeshja e parë dhe më interesantja do të luhet mes Dritës dhe Prishtinës në stadiumin me bari sintetik, në Gjilan.
Ndeshja e parë mes këtyre skuadrave kishte përfunduar pa gola.
Në anën tjetër, dueli tjetër është ajo e derbit lokal, ku Ballkani e pret Suharekën në stadiumin e qytetit.
Ndeshja e parë kishte përfunduar me rezultat 1-0, në favor të ekipit të Ilir Dajës.
Të dyja ndeshjet fillojnë në orën 15:00. /Zëri
