Drita në disavantazh pas pjesës së parë ndaj Florianas

Ka përfunduar pjesa e parë e ndeshjes ndërmjet Dritës dhe Floriana nga Malta, e vlefshme për raundin kualifikues të Conference League, me epërsinë 1:0 të mysafirëve.

Golin e vetëm në dyzet e pesë minutat e para e ka shënuar Paul Mbong në minutën e dyzet, duke i dhënë avantazhin skuadrës malteze.

Takimi i parë ndërmjet dy skuadrave kishte përfunduar në barazim 1:1, ndaj rezultati aktual e favorizon Floriana në garën për kualifikim në raundin e ardhshëm.

Drita duhet të kërkojë reagim në pjesën e dytë për të përmbysur rezultatin dhe për të mbajtur gjallë shpresat për vazhdimin e aventurës evropiane.