Marquinhos drejt rinovimit me PSG-në, kapiteni pritet të qëndrojë deri në vitin 2029

Marquinhos drejt rinovimit me PSG-në, kapiteni pritet të qëndrojë deri në vitin 2029

Sport November 19, 2026 - 21:40

Paris Saint-Germaini dëshiron ta mbajë edhe më gjatë kapitenin Marquinhos.

Klubi francez i ka bërë brazilianit një ofertë për vazhdimin e kontratës deri në qershor të vitit 2029.

Mbrojtësi 32-vjeçar ka kontratë aktuale deri në vitin 2028, por drejtuesit e PSG-së e konsiderojnë ende një element shumë të rëndësishëm për skuadrën, si në fushë ashtu edhe në dhomat e zhveshjes.

Sipas raportimeve të mediave franceze, negociatat kanë avancuar dhe palët janë në bisedime për marrëveshjen e re.

Megjithatë, oferta parashikon edhe një rregullim të pagës së brazilianit.

Marquinhos është pjesë e PSG-së që nga viti 2013 dhe mban shiritin e kapitenit që nga viti 2020.

Ai është futbollisti me më së shumti paraqitje në historinë e klubit parisien, me 531 ndeshje. /Zëri