Rummenigge e paralajmëron për Musialën: Do ta ketë të vështirë të rikthehet në nivelin e dikurshëm
Karl-Heinz Rummenigge ka shprehur shqetësimin e tij për të ardhmen e Jamal Musialës te Bayern Munich, duke pranuar se futbollistit gjerman mund t’i jetë e vështirë të rikthehet në nivelin e tij më të mirë.
Musiala u rikthye në fushë pas dy muajsh mungesë, duke luajtur rreth 20 minutat e fundit në barazimin 1-1 ndaj Kolnit.
Megjithatë, problemi neurologjik nga i cili vuan vazhdon të ngrejë pikëpyetje për të ardhmen e tij sportive.
"Nuk mendoj se mund ta vlerësosh siç duhet një futbollist duke u bazuar në 20 minuta. Por, ajo që dimë fatkeqësisht na bën të mendojmë se do ta ketë të vështirë të rikthehet në nivelin që e ka treguar shumë herë në këtë stadium", deklaroi Rummenigge.
Ai nuk e përjashtoi as mundësinë e rishikimit të kontratës dhe uljes së pagës së futbollistit.
"Duhet të bisedojmë me familjen e tij, me vetë lojtarin dhe me agjencinë, sepse në këto rrethana shumat aktuale nuk janë më të arsyeshme financiarisht", theksoi drejtuesi i Bayern Munichut. /Zëri