Kryeministrja e re serbe thyen akullin, takon për herë të parë kryeministrin e Kosovës (FOTO)
Aktuale
August 26, 2017 - 20:22
Kryeministri në detyrë Isa Mustafa ka takuar në Durrës Kryeministren e Serbisë, Ana Brnabiç.
Kryeministri ka publiku disa fotografi në profilin e tij zyrtar në rrjetin social "Facebook", ku shihet të ketë biseduar veçmas edhe me kryeministren serbe.
Ky ishte takimi i parë i kryeministres së Serbisë me kryeministrin e Kosovës.
Postimi i plotë i Mustafës:
Sot në Durrës me homologët e gjashtë shteteve të Ballkanit Perëndimor diskutuam për bashkëpunimin rajonal në fushën e ekonomisë.
Kërkova që vendet e rajonit të eliminojnë barrierat e tregtisë, lëvizjes së lirë dhe energjisë.
Ambienti i zgjedhur nga Kryeministri Rama ishte i shkëlqyer.
