Destani premton gjysmë milioni euro për suksesin e radhës të Shkëndijës (Foto)
Shkëndija e Tetovës nesër përballet me skuadrën belge, Gent në kuadër të xhiros së tretë kualifikuese për Ligën e Evropës.
Për të mbërritur deri këtu, Shkëndija kaloi ekipet e njohura, të tilla si, çekja Mllada Bolesllav, Neftçin nga Azerbeijxhani dhe Cracovia nga Polonia.
Sot lojtarët e Shkëndijës janë takuar edhe me pronarin e Shkëndijës Lazim Destani, njëherit edhe pronar i kompanisë ‘Ecolog’ i cili i ka motivuar dhe ju ka premtuar premio nëse e kalojnë këtë fazë, transmeton Telegrafi Maqedoni.
“Më vjen mirë që sot takohem edhe me ju dhe që jeni bërë pjesë e sukseseve të klubit tonë. Ne kështu duke u dhënë mbështetje futbollistëve kemi treguar se klubi është i të gjithëve dhe se sukseset janë më me vlerë kur të gjithë jemi të bashkuar. Mendoj se ky sukses që ka shënuar klubi ynë është historik, por kam një ndjenjë që kemi mundësi që të arrijmë suksese edhe më të mëdha. Andaj unë falënderoj të gjithë mediat për mbështetjen që na kanë dhënë dhe uroj të vazhdojmë të shënojmë momente të mira me Shkëndijën tonë dhe tujën”, ka thënë Lazim Destani në takim me gazetarët në hotelin në Gent ku po qëndrojnë futbollistët dhe gazetarët.
Destani ka premtuar gjysëm milioni euro premio nëse Shkëndija e kalon Gentin në këtë fazë dhe kualifikohet për grupet e Ligës së Evropës.
Lazim Destani edhe vetë personalisht është takuar me lojtarët e më pas me gazetarët për t’i mbështëtur në punën e tyre në mbështetjen që i jepet Shkëndijës në rrugën evropiane dhe në kampionatin vendor.
