Ambasada e SHBA-së ul flamurin në gjysmështizë për gratë dhe vajzat e vrara në Kosovë

Ambasada e SHBA-së në Prishtinë i është bashkuar Ditës së Zisë Kombëtare në Kosovë për gratë dhe vajzat viktima të femicidit dhe dhunës në familje.

Ambasadori i SHBA-së Jeff Hovenier ka thënë se SHBA-ja sot qëndron me popullin e Kosovës në shënimin e Ditës Kombëtare të Zisë, duke nderuar dhe kujtuar viktimat e femicideve dhe të gjitha gratë kosovare që janë viktima të dhunës në familje, transmeton Zeri.info.

Ai shtoi se vrasjet dhe aktet e fundit të dhunës në familje nënvizojnë nevojën urgjente për të bërë më shumë për të trajtuar dhe parandaluar të gjitha format e dhunës ndaj grave dhe vajzave.

“Ne duhet të përpiqemi të ndërtojmë shoqëri, ku çdo individ mund të jetojë pa frikë dhe dëm. #FundGBV”, shkroi Hovenieri në Twitter. /Zëri

Today, we stand with the people of Kosovo in observing a National Day of Mourning, honoring and remembering femicide victims and all Kosovan women who are victims of domestic violence. The recent murders and acts of domestic violence underscore the urgent need to do more to… pic.twitter.com/OGGDtYR86Z

— Ambassador Jeff Hovenier (@USAmbKosovo) April 17, 2024