Endrit Thaçi: Çdo ditë po na ofron më pranë rikthimit tuaj, Kosova ju pret
Aktuale
June 21, 2026 - 13:53
Dita ditës po afrohet momenti i shpalljes së aktgjykimit ndaj ish-krerëve të UÇK-së Hashim Thaçit, Kadri Veselit, Jakup Krasniqit dhe Rexhep Selimit, të cilët po gjykohen në Hagë.
Me këtë rast, Endriti, djali i ish-presidentit ka bërë një reagim të fuqishëm sot në rrjetin social Instagram.
Ai ka publikuar një foto me babanë e tij duke lënë edhe një mesazh, duke shprehur bindjen e plotë se çlirimtarët do të kthehen në vendlindje.
“Ka ditë që kalojnë ngadalë kur pret dikë që e do. Por, tani çdo ditë po na ofron më pranë rikthimit tuaj. Me krenari ju presim. Kosova ju pret”, ka shkruar ai në Instastory.
Shpallja e vendimit pritet të bëhet më 20 korrik.
