Kurti pas takimit me Shiroka-Pulën: Do të bashkëpunojmë për prioritetet shtetërore

Kryeministri i Kosovës, Albin Kurti, ka uruar presidenten e re të Kosovës, Justina Shiroka-Pulën, pas takimit të tyre të parë në zyrën e saj të re.

Kurti e ka cilësuar nder dhe kënaqësi zgjedhjen e Shiroka-Pulës në krye të shtetit, duke thënë se ajo sjell integritet, dije dhe përvojë të gjatë akademike e institucionale, transmeton Zeri.info.

“E urova për detyrën dhe e falënderova që na gëzoi duke pranuar këtë përgjegjësi në një kohë kur vendi kishte shumë nevojë për president që, përveçse përbashkon e sjell stabilitet, ka integritet të lartë, dije të gjerë dhe përvojë të gjatë akademike e institucionale”, shkroi Kurti.

Ai ka theksuar se institucionet do të bashkëpunojnë dhe bashkërendohen për çështjet me rëndësi për qytetarët dhe prioritetet shtetërore.

“Do të bashkëpunojmë e do të bashkërendohemi për punët e mira për qytetarët dhe për prioritetet shtetërore”, deklaroi Kurti. /Zëri