Arrestohet edukatorja në Tiranë, dyshohet se ushtroi dhunë ndaj një dyvjeçari
Kronika
July 30, 2026 - 13:00
Policia e Shqipërisë ka arrestuar një 32-vjeçare, e cila punonte si edukatore në një kopsht privat në Tiranë.
Sipas njoftimit të Policisë, B.H. dyshohet se ka ushtruar dhunë fizike ndaj një dyvjeçari, në ambientet e kopshtit ku ajo ushtronte detyrën.
Materialet procedurale për rastin u janë referuar organeve kompetente për veprime të mëtejshme hetimore.
“Specialistët për Hetimin e Krimeve në Komisariatin e Policisë Nr. 4 arrestuan në flagrancë shtetasen B. H., 32 vjeçe, me detyrë edukatore në një kopsht privat, pasi dyshohet se ka ushtruar dhunë fizike ndaj një të mituri dyvjeçar, në ambientet e kopshtit ku punonte”, thuhet në njoftim. /TCh
