Nehat Çitaku zgjidhet kryetar i Federatës së Pingpongut të Kosovës

Nehat Çitaku është zgjedhur kryetar i Federatës së Pingpongut të Kosovës.

Të pranishëm në këtë ngjarje ishin 38 delegatë, kurse nga ta 36 kishin të drejtë vote, shkruan Zeri.info.

Në garë përveç Çitakut ishte edhe Ylli Maloku, ku pas prezantimeve të programeve të tyre ata iu përgjigjën edhe pyetjeve të delegatëve të pranishëm.

“Pas procesit të votimit dhe numërimit, me 21 vota, kryetar u zgjodh Nehat Çitaku.

Në fjalën e tij përshëndetëse, ai falënderoi delegatët për besimin e dhënë, duke theksuar se kjo është njëkohësisht përgjegjësi dhe privilegj i madh. Ai u shpreh se do të angazhohet maksimalisht që aktiviteti i federatës në pingpong të jetë në nivel sa më të lartë, me fokus në cilësi dhe transparencë”, thuhet në njoftim.

Ndërkaq, anëtarë të ri të bordit ekzekutiv u zgjodhën:

Ardian Lamaxhema

Besim Hajdari

Bjondina Hasani

Gani Pireva

Nita Baymak

Riana Canhasi

Shega Hashani

Sheremet Hoti

Jahja Termkolli.