Kosova ngjitet në vendin e 76-të në renditjen e FIFA-s
Sport
October 07, 2026 - 19:53
Kosova ka shënuar një tjetër ngritje në renditjen botërore të FIFA-s.
Në renditjen e re të publikuar sot, 7 tetor 2026, “Dardanët” janë ngjitur për dy pozita dhe tashmë renditen në vendin e 76-të në botë, me 1328.14 pikë.
Kjo përbën një arritje historike për përfaqësuesen e Kosovës, e cila vazhdon të përmirësojë pozitën e saj në renditjen e FIFA-s.
Ngritja e Kosovës vjen pas ndeshjeve të fundit në Ligën e Kombeve, ku skuadra e Franco Fodës e nisi këtë seri me fitore 1:0 ndaj Irlandës, më pas pësoi humbje ndaj Austrisë, ndërsa më vonë barazoi me Izraelin dhe Austrinë.
Pas këtyre rezultateve, Kosova është ngjitur nga pozita e 78-të në të 76-tën në renditjen botërore.
