Dibu Martínez do t’i nënshtrohet operacionit pas lëndimit në nofull

Portieri i Chelseat dhe i Kombëtares së Argjentinës, Emiliano “Dibu” Martínez, ka pësuar një lëndim në nofull pas përplasjes së fortë në ndeshjen ndaj Evertonit.

Martínez u përplas me mbrojtësin Jarrad Branthwaite gjatë një aksioni në pjesën e dytë. Ai mori trajtim mjekësor në fushë dhe u largua me barelë, para se të dërgohej në spital për ekzaminime të mëtejshme.

Sipas raportimeve të mediave argjentinase, ekzaminimet përjashtuan dëmtime serioze në kokë dhe në shtyllën kurrizore, por zbuluan një lëndim kockor në nofull, për të cilin portieri do t’i nënshtrohet operacionit.

Ende nuk dihet se sa gjatë do të mungojë portieri argjentinas, ndërsa rikthimi i tij në fushë do të varet nga trajtimi dhe rikuperimi.

Chelsea e fitoi ndeshjen ndaj Evertonit me rezultat 2-0, por lëndimi i Martínezit mbeti lajmi më shqetësues i takimit. /Zëri