Vritet një person në Podujevë

Një person ka ndërruar jetë nga të shtënat me armë në fshatin Llaushë të Podujevës.

Komandanti i Stacionit Policor në Podujevë, Bekim Bislimi  ka thënë se incidenti ka ndodhur rreth orës 18:00 ku pas një mosmarrëveshje një person i gjinisë mashkullore ka vdekur.

“Rreth orës 18:00 kemi pranuar informatën për një incident, mosmarrëveshje. Njësitë policore ju kanë përgjigje rastit.  Është ftuar emergjenca, viktimës ju ka ofru ndihma mjekësore, por ka ndërruar jetë”, ka thënë Bislimi.

Ai ka shtuar se kjo vdekje është cilësuar si e dyshuar.

“Në konsultim me prokurorin e shtetit, rasti është cilësuar  vdekje e dyshuar”, ka theksuar ai.

Rasti është duke u hetuar./indeksonline/