Ekzekutohen pagesat për masat aktive dhe pushimin e lehonisë

Ministria për Punë, Familje dhe Vlerat e Luftës Çlirimtare ka njoftuar se janë ekzekutuar pagesat për përfituesit e Masave Aktive të Tregut të Punës, si dhe pagesat për Pushimin e Lehonisë.

Sipas njoftimit të ministrisë, përfituesit e këtyre skemave kanë marrë pagesat përkatëse, duke mundësuar realizimin e mbështetjes financiare të paraparë për ta.

Ministria ka bërë të ditur se procesi i pagesave është realizuar për përfituesit e dy kategorive.