Tensione edhe brenda sallës së Kuvendit në Shqipëri

Tensionet sot nuk janë shënuar vetëm jashtë Parlamentit, por edhe në seancën plenare.

Ndërsa kreu i Kuvendit Niko Peleshi iu drejtua deputetëve, duke u thënë të bëhen gati për të kaluar në votim, deputeti i “Mundësia”, Erald Kapri dhe kreu i Grupit Parlamentar të PD-së Gazment Bardhi, u ngritën nga karriget dhe shkuan pranë foltores duke debatuar me Peleshin.

Ata ishin kundër ndryshimit të rendit të ditës, ndërsa menjëherë ka ndërhyrë Garda, por situata është qetësuar shpejt. /Top Channel