Të dyshuarit për vrasjet masive thuhet se pranuan krimin, publikohen pamjet e para të tyre nga gjykata në Moskë

Një gjykatë në Moskë ka urdhëruar që katër të dyshuarit për sulmin në sallën e koncerteve “Crocus City Hall” të mbahen në paraburgim për dy muaj në pritje të gjykimit.

Dalerdzhon Barotovich Mirzoyev, një shtetas i Taxhikistanit, “pranoi plotësisht fajin” se ka shtënë me armë ndaj qytetarëve rusë në vendin e ngjarjes dhe i ka vënë flakën ndërtesës, njoftuan gjykata e qytetit të Moskës në Telegram.

Saidakrami Murodali Rachabalizoda gjithashtu “pranoi fajin” për akuzën e terrorizmit, sipas një mesazhi në kanalin Telegram, i cili nuk dha detaje të mëtejshme, raporton skynews.

Periudhat e paraburgimit do të skadojnë më 22 maj të këtij viti, shtoi kanali.

BREAKING:

Russia has taken the alleged attackers to a courtroom in Moscow.

They are now inside those infamous “glas boxes” in which we have seen Navalny, Evan Gershovich and many other high profiled people over the years. pic.twitter.com/aKxI5ZX1Mh

— Visegrád 24 (@visegrad24) March 24, 2024

Një i dyshuar i tretë është akuzuar për terrorizëm. Gjykata i ka caktuar dy muaj paraburgim Shamsidin Faridunit.

I dyshuari i katërt – Muhammadsobir Fayzov – është akuzuar për terrorizëm, sipas kanalit Telegram të një gjykate në Moskë. Edhe këtij i është caktuar masa e paraburgimit deri më 22 maj.

Kujtojmë se Komiteti rus Hetimor ka njoftuar se të paktën 137 persona kanë vdekur dhe qindra të tjerë janë plagosur.

Ndryshe, Shteti Islamik ka marrë përgjegjësinë për vrasjet masive megjithëse presidenti rus, Vladimir Putin akuzoi Ukrainën se ka ndihmuar vrasësit të arratisjen e tyre duke hapur kufirin. /Telegrafi

The 3rd and 4th suspects who were detained in the terrorists attack on Russia were taken to court. pic.twitter.com/rqc6WcaWxD

— Malinda ë (@TreasChest) March 24, 2024